1. ዘርፈ ብዙ ሀገራዊና ወገናዊ ጉዳቶችን በተለይ በሰው ሰራሽና በተፈጥሮ የሚከሰቱ ውድመቶችን ለመቅረፍ፤ መሠረታዊ ጥናቶችን ከነ ብልሀታዊ አተገባበራቸው ጋር በማሰናዳት በጽኑ የታመመችውን ኢትዮጵያን ማከም፡፡

2. በሀገር ውስጥና በመላው ዓለም በተለያዩ የእውቀትና የሙያ ዘርፎች ተክነው፤በፍርሀትና በዝምታ ውስጥ ተሸፍነው ያሉ በሰብአዊነት የታነጹ ቅን የሀገር ባለውለተኞችን አፈላልጎ ወደ መድረክ በማምጣት ፤ በሀገራዊና በወገናዊ ግጭቶቻችን ላይ ስር ነቀል የሠላም ማስፈኛ መፍትሔ መዘየድ እንዲችሉ ማድረግ፡፡ ለዚህም በመላው ኢትዮጵያውያን ዘንድ የእውቀትና የልምድ ቅብብሎሽ እንዲኖር በማድረግ ትውልድን እየታደጉ  በሠላም እጦት የታመመችውን ኢትዮጵያችንን ማከም፡፡

ይህም፡- በአስተምሮት፣በልምድ ልውውጥ፣አዳዲስ መንገዶችን በማመላከት ወ.ዘ.ተ

3. በተለያዩ ግጭቶች ሳቢያ በተለያዩ ክልሎች ተፈናቃይ የሆኑና በዳስ ውስጥ ለሚኖሩ ወገኖቻችን የፈረሰባቸውን ቀዬና ጎጆ ከቀድሞ በተሻለና ደረጃውን በጠበቀ መልኩ  በመገንባትና የኢኮኖሚ  ድጋፍ በማድረግ  ወደቀደመ ሕይወታቸው እንዲመለሱ ማድረግ፡፡ ይህም፡-በመላው ዓለም የምንኖር ኢትዮጵያውያንን በማስተባበር፡- የገንዘብ፣ የተለያዩ የሕክምና መገልገያዎችን ፣የተለያዩ የትምህርት ቁሳቁሶችን፣የተለያዩ መጽሐፍትን፣የተለያዩ አልባሳትና መጫሚያዎችን አሰባስቦ በአፋጣኝና በቀጥታ ለተጎጂዎች እንዲዳረስ ማድረግ፡፡

4. አፋጣኝ የሰብአዊ ድጋፍ ለሚሹ ቅድሚያ በመስጠት፤ ሕጻናት፣ ሴቶች፣ አዛውንት ወገኖቻችን ከደረሰባቸው የስነ - ልቦና ቀውስ የሚላቀቁበትን የማነቃቂያ መርሀ - ግብሮችን መዘርጋት፡፡   

5. በግጭቶቹ የወደሙትንና ጉዳት የደረሰባቸውን ቤተ እምነቶችን መገንባት፡፡

6. በግጭቶቹ መስዋዕት ለሆኑት ንጹሀን ኢትዮጵያውያንና ለሉአላዊነት አስከባሪው መከላከያ ሠራዊት መታሰቢያ የሚሆን የጦርነት ቀጠና በነበሩት ክልሎች በቀጣይም በሌሎች ክልሎች በኢትዮጵያ  ልዩ የሆነ 24  ሰዓት አገልግሎት መስጠት የሚችል በ  ‹‹ኢትዮጵያን እናክማት›› ስም አዲስ ሆስፒታል መገንባት፡፡ 

ይተኮር፡-  የኢኮኖሚ ድጋፍ ሲባል ለአርሶ አደሩና ለአርብቶ አደሩ የሞቱበትንና ኑሮውን የሚያቀናበትን ከብቶቹን ስንሰጠው፤ የገበሬውንና የልጆቹን ሕመም በተዘዋዋሪ እንደማከም ነው፡፡